ସୂର୍ଯ୍ୟକ୍ଷେତ୍ର ଫାଉଣ୍ଡେସନ’ର ୧୧ତମ ବାର୍ଷିକ ଉତ୍ସବ

ସୂର୍ଯ୍ୟକ୍ଷେତ୍ର ଫାଉଣ୍ଡେସନ’ର ୧୧ତମ ବାର୍ଷିକ ଉତ୍ସବ


ଭୁବନେଶ୍ୱର, ୧୬.୧୨: ଭାରତର ଅଗ୍ରଣୀ ଅନୁଷ୍ଠାନ ସୂର୍ଯ୍ୟକ୍ଷେତ୍ର ଫାଉଣ୍ଡେସନ ଅଫ୍ ଏଜୁକେସନାଲ ଏଣ୍ଡ ·ରିଟେବୁଲ୍ ଟ୍ରଷ୍ଟ ତରଫରୁ ସ୍ଥାନୀୟ ଜୟଦେବ ଭବନ, ଭୁବନେଶ୍ୱରଠାରେ ୧୧ତମ ବାର୍ଷିକ ଉତ୍ସବ ଓ ସୂର୍ଯ୍ୟକ୍ଷେତ୍ର ସମ୍ମାନ ସମାରୋହ ଅନୁଷ୍ଠିତ ହୋଇଯାଇଛି । ଉଦ୍ଘାଟକ ଭାବେ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ସମାରୋହକୁ ଉଦ୍ଘାଟନ କରିଥିଲେ । ଅନୁଷ୍ଠାନ ତରଫରୁ ଚିତ୍ରାଙ୍କନ, ରାଇମ୍ସ, ବକ୍ତୃତା, ନୃତ୍ୟ ଓ ଫ୍ୟାଶନ ଶୋ ପ୍ରତିଯୋଗିତା କରି ପିଲାମାନଙ୍କ ମଧ୍ୟରେ ଉତ୍ସାହ ବଢାଉ ଥିବାରୁ ସେ ଏହାକୁ ପ୍ରଶଂସା କରିଥିଲେ । ମୁଖ୍ୟ ଅତିଥି ଭାବେ ଆନନ୍ଦପୁର ବିଧାୟକ ଭାଗିରଥୀ ସେଠୀ ଯୋଗ ଦେଇ ସୂର୍ଯ୍ୟକ୍ଷେତ୍ର ଫାଉଣ୍ଡେସନ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ କରି ସେଥିରେ ଛାତ୍ରଛାତ୍ରୀମାନଙ୍କୁ ସାମିଲ୍ କରୁଥିବାରୁ ସେମାନଙ୍କର ମାନସିକସ୍ତରରେ ଦକ୍ଷତା ବୃଦ୍ଧି ପାଉଛି ଓ ସେମାନେ ପରର୍ବୀ ପର୍ଯ୍ୟାୟରେ ଏହିଭଳି ପ୍ରତିଯୋଗିତାରେ ଭାଗ ନେବାକୁ ଆଗ୍ରହ ପ୍ରକାଶ କରିବେ ବୋଲି ମତବ୍ୟକ୍ତ କରିଥିଲେ । ସ୍ୱତନ୍ତ୍ର ଅତିଥି ଭାବେ ଅବସରପ୍ରାପ୍ତ ଆଇଏସ୍ଏସ୍ ଅକ୍ଷୟ ପାଣି, ଅବସରପ୍ରାପ୍ତ ଆରକ୍ଷୀ ଅଧିକ୍ଷକ ଦୁର୍ଲଭ ସିିଂ ଏବଂ ଲାୟନ୍ସ ଇଂ ବିପିନ ବିହାରୀ ନାୟକ ପ୍ରମୁଖ ଯୋଗଦେଇ ଛାତ୍ରଛାତ୍ରୀମାନଙ୍କୁ ପ୍ରଶଂସା କରିବା ସହିତ ଏହିଭଳି ପ୍ରତିଯୋଗିତାରେ ଅଂଶଗ୍ରହଣ କରି ନିଜ ଦକ୍ଷତା ପ୍ରତିପାଦିତ କରିବା ପାଇଁ ପରାମର୍ଶ ଦେଇଥିଲେ ।
କାର୍ଯ୍ୟକ୍ରମ ଆରମ୍ଭରେ ଫାଉଣ୍ଡେସନର ଅଧ୍ୟକ୍ଷ ଡ. ବିପିନ ବିହାରୀ ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିବାବେଳେ ସମ୍ପାଦିକା ଡ. ସୁକାନ୍ତି ମିଶ୍ର ଅନୁଷ୍ଠାନର ବାର୍ଷିକ ବିବରଣୀ ପାଠ କରିଥିଲେ । ଏହି କାର୍ଯ୍ୟକ୍ରମରେ ଜାତୀୟସ୍ତରର ଶିଶୁ ପ୍ରତିଭାମାନଙ୍କୁ ନେଇ ବିଭିନ୍ନ ପ୍ରତିଯୋଗିତାରେ ବିଭିନ୍ନ ବର୍ଗରେ ପୁରସ୍କୃତ କରାଯିବା ସଙ୍ଗେ ସଙ୍ଗେ ସମାଜର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ନିମନ୍ତେ ୧୬ ଜଣ ବିଶିଷ୍ଟ ବ୍ୟକ୍ତିମାନଙ୍କୁ ‘ସୂର୍ଯ୍ୟକ୍ଷେତ୍ର ସମ୍ମାନ’ରେ ସମ୍ମାନିତ କରାଯାଇଥିଲା । ବିଜ୍ଞାନ ଓ ବୈଷୟିକ ଶିକ୍ଷାଦାନ କ୍ଷେତ୍ରରେ ଅନିଲ୍ ପ୍ରଧାନ, ସିଭିଲ୍ ସର୍ଭିସ ପରୀକ୍ଷା ନିମନ୍ତେ ଓଡ଼ିଶାର ଛାତ୍ରଛାତ୍ରୀଙ୍କୁ ଉନ୍ନତ ପ୍ରଣାଳୀରେ ଶିକ୍ଷାଦାନ କରିବା କ୍ଷେତ୍ରରେ ଉକ୍ରର୍ଷତା ପାଇଁ ଅପ୍ଟିପ୍ଲସ ସିିଭିଲ୍ ସର୍ଭିସ କୋଚିଙ୍ଗ ସେର, ଲେଖକ ଓ ସ୍ତମ୍ଭକାର ଭାବେ ଭାଗିରଥି ମହାସୁଆର, ମହିଳା ସଶକ୍ତିକରଣ ବିଭାଗରେ ମହିଳାମାନଙ୍କ ଦ୍ୱାରା ପରି·ଳିତ ଦେଶର ଏକମାତ୍ର ପୁସ୍ତକ ମହୋତ୍ସବ କଳିଙ୍ଗ ପୁସ୍ତକ ମେଳାର ସମ୍ପାଦିକା ରେଣୁକା ମିଶ୍ର, ମେଡ଼ିକାଲ ବିଜ୍ଞାନ ବିଭାଗରେ ଯୁବ ଓ ଦକ୍ଷ ଅର୍ଥୋସର୍ଜନ ଡଃ ସନ୍ଦୀପ ବିଶ୍ୱାଳ, ଗଣମାଧ୍ୟମ କ୍ଷେତ୍ରରେ ଦି ଏସିଆନ ଏଜ୍ର ସ୍ୱତନ୍ତ୍ର ପ୍ରତିନିଧି ଅକ୍ଷୟ କୁମାର ସାହୁ, ସମାଜସେବା ବିଭାଗରେ ଲାୟନ୍ସ କ୍ଲବର ଭୁବନେଶ୍ୱର ସଭାପତି ଲାୟନ ରାମପ୍ରସାଦ ପାତ୍ର, ତପସ୍ୱିନୀ ପଣ୍ଡା, ସୁସ୍ମିତା ମହାନ୍ତି, ବାଳକୃଷ୍ଣ ରାଉତ, କଳା ଓ ଭାସ୍କର୍ଯ୍ୟ ବିଭାଗରେ ପ୍ରତାପ ଜେନା, ଫ୍ୟାଶନ ବିଭାଗରେ ଯୁବ ଓ ପ୍ରତିଭାବାନ ଫ୍ୟାଶନ ନିର୍ଦ୍ଦେଶକ ଜନ ଅଜୟ, ଶିକ୍ଷାଦାନ ନିମନ୍ତେ ଡ. ଲିପିମୟୀ ତ୍ରିପାଠୀ, ଚିରଞ୍ଜନ ପାଢୀ, ସଂସ୍କୃତି ଓ ମନୋରଞ୍ଜନ ନିମନ୍ତେ ସୁଶ୍ରୀ ପ୍ରୀତିଲତା ରାଓ ଏବଂ ଓଲିଉଡ୍ ଅଭିନେତ୍ରୀ ସୁଶ୍ରୀ ସାଇନି ମହାନ୍ତିଙ୍କୁ ଚଳିତବର୍ଷର ସୂର୍ଯ୍ୟକ୍ଷେତ୍ର ସମ୍ମାନରେ ସମ୍ମାନିତ କରାଯାଇଥିଲା । ଏହି ଅବସରରେ ୩ଜଣ ଅସହାୟ ମହିଳାଙ୍କୁ ସିଲେଇ ମେସିନ୍ ପ୍ରଦାନ କରାଯିବା ସହ ଦିବ୍ୟାଙ୍ଗ ଯୁବତୀଙ୍କୁ ହ୍ୱିଲ୍ ଚେୟାର ପ୍ରଦାନ କରାଯାଇଥିଲା । ଅନୁଷ୍ଠାନର ସାଂସ୍କୃତିକ ସମ୍ପାଦକ ଅସିତ୍ କୁମାର ମହାନ୍ତି, କାର୍ଯ୍ୟକାରୀ ସମ୍ପାଦକ ବାଳକୃଷ୍ଣ ରାଉତ, ସଂଗଠକ ମାନସ କୁମାର କାନୁନ୍ଗୋ, ରାମଚନ୍ଦ ମହାନ୍ତି, ଲିଙ୍ଗରାଜ ମହାନ୍ତି, ମୋତିଲାଲ ଦଳାଇ, ମିଲନ କୁମାର ପ୍ରଧାନ ଏବଂ ଲେଖା ମହାନ୍ତି ପ୍ରମୁଖ କର୍ମର୍କାଙ୍କ ଦ୍ୱାରା ଉକ୍ତ ଉତ୍ସବ ପରି·ଳିତ ହୋଇଥିଲା । କାର୍ଯ୍ୟକ୍ରମକକୁ ଉପସ୍ଥାପନ କରିଥିଲେ କମଲ କିରନ ।

Leave a Reply

Your email address will not be published. Required fields are marked *