ୠଷ ଗଣମାଧ୍ୟମ ପ୍ରତିନିଧି ମଣ୍ଡଳି ସହ ଆଲୋଚନା କଲେ କେନ୍ଦ୍ରମନ୍ତ୍ରୀ

ୠଷ ଗଣମାଧ୍ୟମ ପ୍ରତିନିଧି ମଣ୍ଡଳି ସହ ଆଲୋଚନା କଲେ କେନ୍ଦ୍ରମନ୍ତ୍ରୀ ଆଗାମୀ ଦିନରେ ଭାରତ–ଋଷ ସମ୍ପର୍କ
ନୂଆ ଉଚ୍ଚତାକୁ ଯିବ – ଧର୍ମେନ୍ଦ୍ର ପ୍ରଧାନ ଚା ୨୦୧୯ରେ ଭାରତ ଏବଂ ଦ୍ୱିପାକ୍ଷିକ ସମ୍ପର୍କ ସବୁଠୁ ଭଲ ରହିଛି ଚା ଦୁଇ ଦେଶ ମଧ୍ୟରେ ଋଣନୈତିକ ସହଯୋଗ ସୁଦୃଢ ଚା ଭାରତୀୟ ଇସ୍ପାତ୍ କ୍ଷେତ୍ରକୁ ମଜବୁତ୍ କରିବାରେ ଋଷର ରହିଛି ଗୁରୁତ୍ୱପୂର୍ଣ୍ଣ ଭୂମିକା
ଚା ଦୁଇ ଦେଶ ମଧ୍ୟରେ ଉର୍ଜା ସେତୁ ସଂଯୋଗ ସ୍ଥାପନ
ଚା ଭାରତୀୟ ତୈଳ ଏବଂ ଗ୍ୟାସ କ୍ଷେତ୍ରରେ ପୁଞ୍ଜିନିବେଶ ପାଇଁ ଋଷ କମ୍ପାନୀକୁ ନିମନ୍ତ୍ରଣ
ନୂଆଦିଲ୍ଲୀ/ଭୁବନେଶ୍ୱର, ଜାନୁଆରୀ ୧୪ – ଆଗାମୀ ଦିନରେ ଭାରତ–ଋଷ ସମ୍ପର୍କ ନୂଆ ଉଚ୍ଚତାକୁ ଯିବ ବୋଲି ମଙ୍ଗଳବାର ୠଷ ଗଣମାଧ୍ୟମର ଏକ ପ୍ରତିନିଧି ମଣ୍ଡଳି ସହ ଆଲୋଚନା କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ପ୍ରତିନିଧି ମଣ୍ଡଳିଙ୍କ ସହ ସାକ୍ଷାତ୍ ଆଲୋଚନା କରିବା ସମୟରେ ଶ୍ରୀ ପ୍ରଧାନ କହିଛନ୍ତି ଯେ ବର୍ଷ ୨୦୧୯ରେ ଭାରତ ଏବଂ ଋଣ ଦ୍ୱିପାକ୍ଷିକ ସମ୍ପର୍କ ନୂଆ ସ୍ତରକୁ ଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଦୁଇ ଦେଶ ମଧ୍ୟରେ ଋଣନୈତିକ ସହଯୋଗ ସୁଦୃଢ ହୋଇଛି । ସେହିପରି ଭାରତୀୟ ଇସ୍ପାତ୍
କ୍ଷେତ୍ରକୁ ମଜବୁତ୍ କରିବାରେ ମଧ୍ୟ ଋଷର ମହତ୍ୱପୂର୍ଣ୍ଣ ଭୂମିକା ରହିଛି । ଭାରତ ମଧ୍ୟ ସବୁଠୁ ଅଧିକ ଋଷରୁ ଉଚ୍ଚ କ୍ଷମତା ବିଶିଷ୍ଟ କୋକିଂ କୋଲ୍ ଆମଦାନୀ କରିଥାଏ । ଯାହା ଭାରତୀୟ ଇସ୍ପାତ୍ କ୍ଷେତ୍ରରେ ସହାୟକ ହୋଇଥାଏ ବୋଲି ସେ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ଋଷର ମୋସ୍କୋ ଏବଂ ଭ୍ଲାଡିଭୋଷ୍ଟକ ଗସ୍ତ ସମୟରେ ଋଷ ଏବଂ ଭାରତ ମଧ୍ୟରେ କୋକିଂ କୋଲ୍ କ୍ଷେତ୍ରରେ ବ୍ୟବସାୟିକ ସମ୍ପର୍କ ମଜବୁତ୍ ହୋଇପାରିବାର କ୍ଷମତା ଥିବା ସେ ଅନୁଭବ କରିଥିଲେ । ଶ୍ରୀ ପ୍ରଧାନ ଆହୁରି କହିଛନ୍ତି ଯେ ତୈଳ ଏବଂ ଗ୍ୟାସ କ୍ଷେତ୍ରରେ ମଧ୍ୟ ଋଷ ସହ ସମ୍ପର୍କ ଭଲ ରହିଛି । ହାଇଡ୍ରୋକାର୍ବନ କ୍ଷେତ୍ରକୁ ମଜବୁତ କରିବା ଉପରେ ଗୁରୁତ୍ୱ ଦିଆଯାଉଛି । ଦୁଇ ଦେଶ ମଧ୍ୟରେ ଉର୍ଜା ସେତୁ ସଂଯୋଗ ସ୍ଥାପନ ହୋଇଛି । ତୈଳ ଏବଂ ଗ୍ୟାସରେ ଋଷ ସବୁଠୁ ଅଧିକ
ଉତ୍ପାଦନ କରୁଥିବା ବେଳେ ଭାରତ ବିଶ୍ୱର ତୃତୀୟ ସର୍ବବୃହତ ଉର୍ଜା ଉପଭୋକ୍ତା ରାଷ୍ଟ୍ର ହୋଇସାରିଛି । ଭାରତର ତୈଳ ଏବଂ ଗ୍ୟାସ ଆବଶ୍ୟକତାକୁ ପୂରଣ କରିବାରେ ଋଷର ଭୂମିକା ରହିଥିବା ସେ ପ୍ରକାଶ କରିଛନ୍ତି । ଭାରତ ଗ୍ୟାସ ଆଧାରିତ ଅର୍ଥ ବ୍ୟବସ୍ଥା ହେବାକୁ ଯାଉଛି । ପ୍ରାକୃତିକ ଗ୍ୟାସ ଯୋଗାଣ ଏବଂ ଏହି ଭିତିଭୂମିର ବିକାଶ ପାଇଁ ଦେଶରେ ୬୦ ବିଲିୟନ ଡଲାର ପୁଞ୍ଜିନିବେଶ କରାଯାଇଛି । ଋଷରୁ ଏଲଏନଜି ଆମଦାନୀ ହେଉଥିବାରୁ ଉର୍ଜା ସୁରକ୍ଷାରେ ସ୍ଥିରତା ରହୁଛି । ଅପରପକ୍ଷରେ ଋଷର ଏଲଏନଜି ଏବଂ ଅଶୋଧିତ ତୈଳ ପାଇଁ ଭାରତ ନୂଆ ସମୁଦ୍ର ପଥ ସନ୍ଧାନରେ ରହିଛି । ଏହି ପଥ ଋଷରୁ ରପ୍ତାନୀ ହେଉଥିବା ଏଲଏନଜି ଦରକୁ ଆହୁରି ହ୍ରାସ କରିବା ସହ ସମୟ ମଧ୍ୟ ବଂଚାଇବ । ଋଷ ଏବଂ ପୂର୍ବ ଭାରତ ମଧ୍ୟରେ ଏକ ସମୁଦ୍ର ପଥ ତିଆରି ହେଲେ କୋକିଂ କୋଲ୍ ଯୋଗାଣରେ ମଧ୍ୟ ସହାୟକ ହେବ ବୋଲି ଶ୍ରୀ ପ୍ରଧାନ କହିଛନ୍ତି । ଏହି ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଭାରତୀୟ ତୈଳ ଏବଂ ଗ୍ୟାସ କ୍ଷେତ୍ରରେ ବିଶେଷତଃ ଗ୍ୟାସ ବ୍ୟବସାୟ, ଗ୍ୟାସ ଭିତିଭୂମି ଏବଂ ପେଟ୍ରୋକେମିକାଲରେ ପୁଞ୍ଜିନିବେଶ କରିବା ପାଇଁ ଋଷର କମ୍ପାନୀ ମାନଙ୍କୁ ନିମନ୍ତ୍ରଣ କରିଛନ୍ତି ।

Leave a Reply

Your email address will not be published. Required fields are marked *