ନୂଆଦିଲ୍ଲୀରେ ଡା. ହରେକୃଷ୍ଣ ମହତାବଙ୍କ ୧୨୦ତମ ଜୟନ୍ତୀ ପାଳିତ

ନୂଆଦିଲ୍ଲୀରେ ଡା. ହରେକୃଷ୍ଣ ମହତାବଙ୍କ ୧୨୦ତମ ଜୟନ୍ତୀ ପାଳିତ ରାଷ୍ଟ୍ରୀୟ ସ୍ତରରେ ଓଡିଶାର ନେତୃତ୍ୱକୁ ସ୍ଥାପିତ
କରିଥିଲେ ହରେକୃଷ୍ଣ ମହତାବ – ଧର୍ମେନ୍ଦ୍ର ପ୍ରଧାନ
 ଜଣେ ସଫଳ ବ୍ୟକ୍ତିତ୍ୱ ଓ ବିଚାରଧାରାର ପୃଷ୍ଠପୋଷକ ଥିଲେ ମହତାବ
 ସମସ୍ତେ ମହତାବଙ୍କ ସାମାଜିକ ଓ ରାଜନୈତିକ ଆଦର୍ଶରେ ଅନୁପ୍ରାଣିତ
 ଗଡଜାତ ମିଶ୍ରଣରେ ନୀଳଗିରିକୁ ୧ ନମ୍ବର କରିଥିଲେ ମହତାବ
ନୂଆଦିଲ୍ଲୀ/ଭୁବନେଶ୍ୱର, ନଭେମ୍ବର ୨୧ – ରାଷ୍ଟ୍ରୀୟ ସ୍ତରରେ ଓଡିଶାର ନେତୃତ୍ୱକୁ ସ୍ଥାପିତ କରିବାରେ ସ୍ୱର୍ଗତ ଡା ହରେକୃଷ୍ଣ ମହତାବ ଅଗ୍ରଣୀ ଭୂମିକା ନେଇଥିଲେ ବୋଲି ଗୁୁରୁବାର ନୂଆଦିଲ୍ଲୀ ଠାରେ ତାଙ୍କର ୧୨୦ତମ ଜୟନ୍ତୀ ଅବସରରେ ଆୟୋଜିତ ସ୍ମୃତି ସଭାରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଶ୍ରୀ ପ୍ରଧାନ କହିଛନ୍ତି ଯେ ଶିକ୍ଷା, କ୍ରୀଡା, ରାଜନୀତି, ସିନେମା, ପ୍ରଶାସନ, ସଂସ୍କୃତି ଓ ଅନନ୍ୟ କ୍ଷେତ୍ରରେ ଓଡିଆ ଲୋକମାନେ ନିଜର ଦକ୍ଷତା ପ୍ରକାଶ କରିଛନ୍ତିା ମାତ୍ର ଜଣେ ସଫଳ ବ୍ୟକ୍ତିତ୍ୱ ଓ ବିଚାରଧାରାର ପୃଷ୍ଠପୋଷକ ଥିଲେ ମହତାବ । ସମସ୍ତେ ମହତାବଙ୍କ ସାମାଜିକ ଓ ରାଜନୈତିକ ଆଦର୍ଶରେ ଅନୁପ୍ରାଣିତ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କ ଦୃଢ ରାଜନୈତିକ ଇଚ୍ଛାଶକ୍ତି କାରଣରୁ ଦେଶରେ ୩୭୦ ଧାରା ଉଚ୍ଛେଦ କରାଯାଇ ଭାରତକୁ ଏକତ୍ରୀକରଣ କରାଯାଇପାରିଛି । ତେବେ ସେତେବେଳେ ଯଦି ଡାକ୍ତର ମହତାବ ଓ ସର୍ଦ୍ଦାର ପଟେଲଙ୍କୁ ଜାମ୍ମୁ କାଶ୍ମୀରର ଦାୟିତ୍ୱ ଦିଆଯାଇଥାନ୍ତା ତେବେ ଓଡିଶାର ନୀଳଗିରି ପ୍ରଥମ ଦେଶୀୟ ରାଜ୍ୟ ଭାବେ ଗଡଜାତରେ ମିଶ୍ରଣ ହେବା ଭଳି ଜାମ୍ମୁ କାଶ୍ମୀର ମଧ୍ୟ ଦେଶରେ ସମାହିତ
ହୋଇସାରିଥାନ୍ତା । ଶ୍ରୀ ପ୍ରଧାନ କହିଛନ୍ତି ଯେ ରାଜ୍ୟକୁ ପ୍ରତିଷ୍ଠିତ କରିବାରେ ତଥା, ଭାଷା, ଐତିହ, ସ୍ୱାଭିମାନକୁ ପ୍ରତିଷ୍ଠିତ
କରିବାରେ ଡ ମହତାବଙ୍କ ଯୋଗଦାନ ରହିଛି । ସ୍ୱାଧୀନତା ପରେ ଡା ମହତାବ ଓଡିଶାର ମୁଖ୍ୟମନ୍ତ୍ରୀ ୧୦ ବର୍ଷ ପର୍ଯ୍ୟନ୍ତ ହୋଇଥିଲେ ଓଡିଶା ମହାରାଷ୍ଟ୍ର ଭଳି ଗୋଟେ ପ୍ରଗତିଶୀଳ ରାଜ୍ୟ ହୋଇଥାନ୍ତା । ଗଡଜାତ ମିଶ୍ରଣରେ ଡା ମହତାବ ନୀଳଗିରିକୁ ୧ ନମ୍ବର କରେଇଥିଲେ । ତାଙ୍କର ବିଚାରଧାରା ଓ ପରମ୍ପରା ଆଜି
ମଧ୍ୟ ବହୁତ ପ୍ରାସିଙ୍ଗିକତା ରଖୁଛି ବୋଲି ଶ୍ରୀ ପ୍ରଧାନ କହିଛନ୍ତି ।

Leave a Reply

Your email address will not be published. Required fields are marked *