ସିଏଏ, ଏନଆରସିକୁ ନେଇ ପ୍ରଶ୍ନ ଉଠାଇଲେ ମମତା!

ସିଏଏ, ଏନଆରସିକୁ ନେଇ ପ୍ରଶ୍ନ ଉଠାଇଲେ ମମତା!

ଭୁବେନେଶ୍ୱର:କଲକାତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାରଠାରୁ ୨ ଦିନିଆ ପଶ୍ଚିମବଙ୍ଗ ଗସ୍ତରେ ଯାଇଛନ୍ତି। ସନ୍ଧ୍ୟାରେ ସେ କଲକାତାରେ ପହଞ୍ଚିବା ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଥିଲେ। ଏହି ସମୟରେ ମମତା ପ୍ରଧାନମନ୍ତ୍ରୀଙ୍କ ସହିତ ନାଗରିକତା ସଂଶୋଧନ ଆଇନ(ସିଏଏ) ଓ ଜାତୀୟ ନାଗରିକତା ପଞ୍ଜୀକରଣ(ଏନଆରସି) ପ୍ରସଙ୍ଗରେ ଆଲୋଚନା କରିଥିଲେ ଏବଂ ଆମେ ଏହାକୁ ବିରୋଧ କରୁଛୁ ବୋଲି କହିଥିଲେ। ପଶ୍ଚିମବଙ୍ଗ ସିଏଏ ଏବଂ ଏନଆରସିକୁ ସ୍ବୀକାର କରୁ ନ ଥିବା ମମତା କହିଥିଲେ। କୌଣସି ବ୍ୟକ୍ତିଙ୍କୁ ଦେଶରୁ ବାହାର କରାଯିବ ନାହିଁ, ଏହା ନିଶ୍ଚିତ ହେବା ଦରକାର। ସରକାରଙ୍କୁ ସିଏଏ ଏବଂ ଏନଆରସି ଉପରେ ବିଚାର କରିବା ଆବଶ୍ୟକ।

ତେବେ ପ୍ରଧାନମନ୍ତ୍ରୀ ଏହି ପ୍ରସଙ୍ଗରେ ମମତାଙ୍କୁ ଉତ୍ତର ଦେଇ କହିଥିଲେ ଯେ, ସେ ଏଠାକୁ ଅନ୍ୟ କାର୍ଯ୍ୟକ୍ରମରେ ଯୋଗଦେବାକୁ ଆସିଛନ୍ତି। ଆପଣ ଦିଲ୍ଲୀ ଆସନ୍ତୁ, ଏହି ପ୍ରସଙ୍ଗରେ ଆଲୋଚନା କରିବା।

ମୋଦୀଙ୍କ ସହିତ ସାକ୍ଷାତ ପରେ ମମତା କହିଥିଲ, ଦେଶର ପ୍ରଧାନମନ୍ତ୍ରୀ ଏବଂ ରାଷ୍ଟ୍ରପତିଙ୍କ ସ୍ବାଗତ କରିବା ମୋର ସାମ୍ବିଧାନିକ କର୍ତ୍ତବ୍ୟ। ଏହା ଏକ ଔପଚାରିକ ସାକ୍ଷାତ ଥିଲା। ପଶ୍ଚିମବଙ୍ଗ ମନ୍ତ୍ରୀ ଫିରହାଦ ହାକିମ ପ୍ରଧାନମନ୍ତ୍ରୀଙ୍କୁ ବିମାନବନ୍ଦରରେ ସ୍ବାଗତ କରିଥିଲେ। ମୁଁ ପ୍ରଧାନମନ୍ତ୍ରୀଙ୍କ ସହ ଆଲୋଚନା ବେଳେ ୨ଟି ଦାବି ଉପସ୍ଥାପନ କରିଥିଲି।

Leave a Reply

Your email address will not be published. Required fields are marked *