ଓଡିଶା ଏବେ କ୍ରୀଡ଼ାର ରାଜଧାନୀ ପାଲିଟିଛି, ଭବିଷ୍ୟତରେ ବହୁତ ଖେଳାଳି ବାହାରିବେ ଓଡିଶା ରୁ : ଅନୀଲ କୁମ୍ବଲେ

ଓଡିଶା ଏବେ କ୍ରୀଡ଼ାର ରାଜଧାନୀ ପାଲିଟିଛି, ଭବିଷ୍ୟତରେ ବହୁତ ଖେଳାଳି ବାହାରିବେ ଓଡିଶା ରୁ : ଅନୀଲ କୁମ୍ବଲେ

ଭୁବନେଶ୍ୱର : ଲୋକସେବା ଭବନ ୦୫.୦୧.୨0:- କ୍ରୀଡ଼ା କ୍ଷେତ୍ରରେ ୨୦୨୦ ସଫଳତାର ବର୍ଷ ହେବ । ଓଡ଼ିଶା ସରକାର କ୍ରୀଡ଼ାକୁ ଅଧିକ ଗୁରୁତ୍ୱ ଦେଉଛନ୍ତି । କ୍ରୀଡ଼ା ଓ କ୍ରୀଡ଼ାବିତଙ୍କ ବିକାଶ ପାଇଁ କାମ କରୁଛନ୍ତି ସରକାର । ବର୍ତ୍ତମାନ ସମୟରେ କ୍ରୀଡ଼ା ପାଇଁ ଅଧିକ ସୁଯୋଗ ଓ ସମ୍ଭାବନା ରହିଛି । ତେଣୁ ଓଡ଼ିଶାରୁ ବହୁ ସଂଖ୍ୟାରେ ପ୍ରତିଭା ଚମ୍ପିଅନ୍‌ ହେବାର ଆଶା ଦେଖାଯାଉଛି । ଭାରତର ପୂର୍ବତନ କ୍ରିକେଟ କୋଚ୍‌ ଓ ଅଧିନାୟକ ଅନୀଲ କୁମ୍ବଲେ ଆଜି ଲୋକସେବା ଭବନରେ ଅନୁଷ୍ଠିତ ‘ଓଡ଼ିଶା ନଲେଜ୍‌ ହବ୍‌ ବକୃତାମାଳା’ରେ କହିଛନ୍ତି । ଅନୀଲ କୁମ୍ବଲେ କହିଛନ୍ତି, କ୍ରୀଡ଼ାର ବିକାଶ ପାଇଁ ତୃଣମୂଳସ୍ତରରେ ଭିତ୍ତିଭୂମିକୁ ଦୃଢ଼ କରାଯିବାର ଆବଶ୍ୟକତା ରହିଛି । ଖେଳାଳି ଯେତେ ଅଧିକ ଖେଳିବେ ସେତିକି ଭଲ ପ୍ରଦର୍ଶନ କରିପାରିବେ । କ୍ରୀଡ଼ା କ୍ଷେତ୍ରରେ ଓଡ଼ିଶା ପୂର୍ବାପେକ୍ଷା ଆଜିକାଲି ଭଲ କରୁଛି ବୋଲି ସେ କହିଛନ୍ତି । ଆଗାମୀ ଦିନରେ ଏହି ରାଜ୍ୟରୁ ଅଧିକ ଖେଳାଳି ବିଭିନ୍ନ ଖେଳକୁ ଆସି ନିଜ ପ୍ରତିଭାର ପରିଚୟ ଦେବାର ସମ୍ଭାବନା ରହିଛି । ତେଣୁ ଅଲିମ୍ପିକ୍ସ ଉପରେ ଆମର ଫୋକସ ଅଧିକ ରହିବା ଜରୁରୀ ବୋଲି କୁମ୍ବଲେ କହିଛନ୍ତି ।

Leave a Reply

Your email address will not be published. Required fields are marked *